ՀԿ Կենտրոնի «Բարեգործության խթանման գործընկերություն» ծրագրի շրջանակներում տեղի ունեցավ «Թվային դրամահավաք․ տեսական գիտելիքից մինչև գործնական կիրառում» խորագրով առցանց երկրորդ աշխատարանը, որին ներկա էին 40-ից ավել ներկայացուցիչներ հիմնականում ՔՀԿ դաշտից: Նախորդ հանդիպման ժամանակ նրանց հանձնարարվեց ներկայացնել առցանց ֆոնդահայթայթման իրենց օրինակը:
Դասընթացի առաջին ընթացքում որոշ մասնակիցներ ներկայացրին իրենց առաջիկա ֆոնդհայթայթման ծրագիրը,այնուհետև դասընթացավարի հետ քննարկեցին և կատարեցին դիտարկումներ։ Այս դասընթացի ժամանակ ուշադրությունը կենտրոնացված էր թվային դրամահավաքի մոտեցումների վրա, թե ինչպիսի ծանուցումներ պետք է ուղարկել, ինչպես թիրախավորել լսարանը և ներկայացվեցին տարբեր առցանց հարթակներ, որոնց միջոցով թիրախ լսարաններին գտնելը կդառնա ավելի արդյունավետ։
Այս ծրագիրը հնարավոր է դարձել Ամերիկայի ժողովրդի աջակցության շնորհիվ՝ ԱՄՆ Միջազգային զարգացման գործակալության (USAID) միջոցով: Ծրագիրն իրականացվում է ՀԿ Կենտրոնի կողմից և աջակցում է Եվրոպական ոչ առևտրային իրավունքի հաստատման կենտրոնը (ECNL) INSPIRES ծրագրի շրջանակներում, որն իրականացվում է Ինտերնյուսի և Ոչ առևտրային իրավունքի միջազգային կենտրոնի (ICNL) կողմից: Բովանդակության պատասխանատվությունը պատկանում է Եվրոպական ոչ առևտրային իրավունքի կենտրոնին և ՀԿ Կենտրոնին և պարտադիր չէ, որ արտահայտի USAID-ի կամ Միացյալ Նահանգների կառավարության տեսակետները: