Քաղաքացիական հասարակության կազմակերպությունների մասնակցությունը հանրային քաղաքականությունների մշակման և որոշումների կայացման գործընթացներին առավել արդյունավետ է, երբ այն հիմնված է մասնագիտական գիտելիքի, փաստերի, համատեղ դիրքորոշումների և համակարգված համագործակցության վրա։
Այդ նպատակով ՀԿ Կենտրոնի կողմից իրականացվող «Dialogue4Influence. Քաղաքացիական հասարակության մասնակցության և ազդեցության հզորացում հանրային քաղաքականության մեջ» ծրագրի շրջանակում կձևավորվեն 3 թեմատիկ աշխատանքային խմբեր, որոնք կմիավորեն ազգային և մարզային մակարդակներում գործող ՔՀԿ-ների ներկայացուցիչներին։
Թեմատիկ խմբերը կաշխատեն երեք փոխկապակցված ուղղություններով.
- Պետական ֆինանսավորման մեխանիզմներ ՔՀԿ-ների համար
- Հանրային ծառայությունների մոնիթորինգ ՔՀԿ-ների կողմից
- Մասնակցային կառավարման խթանում. Այս ուղղությամբ կաշխատի արդեն ձևավորված ցանցը՝ CSOsNet-ը (Համայնքահեն կազմակերպությունների ազգային ցանց)։ Այս թեմայով աշխատանքային խմբին միանալու համար կազմակերպությունը պետք է դառնա Ցանցի անդամ։
Ի՞նչ է նախատեսվում.
Թեմատիկ աշխատանքային խմբերի անդամները կմասնակցեն նպատակային դասընթացների, գործնական աշխատարանների, հանդիպում-քննարկումների, հանրային քննարկումների, որոնց միջոցով կզարգացնեն հանրային քաղաքականության վրա ազդեցություն ունենալու համար անհրաժեշտ գործնական հմտությունները։
Խմբերը հնարավորություն կունենան մասնակցելու CSO4Progress և Dialogue4Progress բազմաշահառու երկխոսության հարթակներին, որտեղ ՔՀԿ-ների ներկայացուցիչները պետական մարմինների, ՏԻՄ-երի և այլ շահագրգիռ կողմերի հետ միասին կքննարկեն քաղաքականության առաջնահերթ հարցերը և կմշակեն համատեղ առաջարկներ։
Այս գործընթացում թեմատիկ խմբերի անդամները հանդես կգան որպես ակտիվ և մասնագիտական դերակատարներ՝ ներկայացնելով ՔՀԿ-ների դիրքորոշումները և նպաստելով քաղաքականությունների համատեղ մշակմանը։
Ո՞վ կարող է դիմել.
Հրավիրվում են մասնակցելու ազգային և համայնքային մակարդակներում գործող քաղաքացիական հասարակության կազմակերպությունների ներկայացուցիչներ, որոնք՝
- հետաքրքրված են հանրային քաղաքականության և որոշումների կայացման գործընթացներով,
- ցանկանում են ուժեղացնել իրենց ջատագովության և քաղաքական երկխոսության կարողությունները,
- պատրաստ են համագործակցել այլ ՔՀԿ-ների հետ,
- ունեն հետաքրքրություն պետական ֆինանսավորման, մասնակցային կառավարման կամ հանրային ծառայությունների մոնիթորինգի ուղղություններով։
Յուրաքանչյուր կազմակերպությունից կարող է ներգրավվել մինչև 3 անձ։ Նույն կազմակերպությունը կարող է ներգրավվել մեկից ավելի խմբերում։
Կարևոր. «Մասնակցային կառավարում» ուղղության համար. քանի որ այս թեմայով արդեն գործում է ձևավորված ցանց (CSOsNet), այս խմբին միանալու համար բավարար չէ պարզապես դիմել աշխատանքային խմբին միանալու համար։ Կազմակերպությունը պետք է դառնա Ցանցի պաշտոնական անդամ՝ ծանոթանալով և ստորագրելով Համագործակցության հայտարարություն-հուշագիրը և Էթիկայի ու թափանցիկության հռչակագիրը, ինչպես նաև լրացնելով կազմակերպության պրոֆիլը (Փաստաթղթերի word տարբերակները հասանելի են այստեղ)։ Անդամակցությունը հաստատվում է Համակարգողի (ՀԿ Կենտրոն) կողմից փաստաթղթերն ստանալուց հետո։
CSOsNet. Համայնքահեն կազմակերպությունների ազգային ցանցի անդամների ցանկը հասանելի է այստեղ։
Դիմելու համար կարող եք լրացնել ներգրավման հայտադիմումը մինչև 30-ը սեպտեմբերի 2026 թվական։
Ներգրավման հայտադիմում՝ https://forms.gle/D1GM8v6Dk7qYZo178
«Dialogue4Influence. Քաղաքացիական հասարակության մասնակցության և ազդեցության հզորացում հանրային քաղաքականության մեջ» ծրագիրն իրականացնում է «ՀԿ Կենտրոն» քաղաքացիական հասարակության զարգացման ՀԿ–ն` ԵՄ կողմից ֆինանսավորվող «Կայուն, ազդեցիկ և ներառական քաղհասարակություն» (ԿԱՆՔ) ծրագրի շրջանակում։ Ծրագիրն իրականացվում է Ժողովրդավարության զարգացման հիմնադրամի (ԺԶՀ), «Մարդը կարիքի մեջ» հասարակական կազմակերպության և «Բուն» գիտամշակութային հիմնադրամի կողմից: Այն նպատակ ունի ամրապնդել քաղաքացիական հասարակության դերը Հայաստանում՝ որպես դիմակայուն, անկախ և վստահելի գործոն ժողովրդավարական կառավարման, քաղաքականությունների մշակման և համայնքային հզորացման գործում: