Փորձագիտական ծառայությունների ձեռքբերում. համախորհրդատու և հետազոտող-փորձագետ

«ՀԿ Կենտրոն» քաղաքացիական հասարակության զարգացման ՀԿ-ն հայտարարում է երկու փորձագիտական ծառայությունների ձեռքբերման մրցույթ.

  1. Համախորհրդատու՝ «Ընտրական մոդել» սիմուլյացիոն կրթական խաղի մշակման համար
  2. Հետազոտող-փորձագետ՝ «Dialogue4Influence» ծրագրի շրջանակում

1. Համախորհրդատու «Ընտրական մոդել» սիմուլյացիոն կրթական խաղի մշակման համար

Ծառայության անվանումը՝ Համախորհրդատու «Ընտրական մոդել» սիմուլյացիոն կրթական-խաղի մշակման համար

Ծրագիր՝ «Ընտրական մոդել» սիմուլյացիոն խաղ

Տևողությունը՝ 10 աշխատանքային օր

Վայրը՝ Հեռավար/Վանաձոր

 

  1. Ծրագրի մասին

«ՀԿ Կենտրոն» քաղաքացիական հասարակության զարգացման ՀԿ-ն իրականացնում է «Ընտրական մոդել» սիմուլյացիոն խաղի ծրագիրը, որն ուղղված է Հայաստանի 5 մարզերում (Շիրակ, Լոռի, Տավուշ, Գեղարքունիք, Սյունիք) երիտասարդների քաղաքացիական և ընտրական գրագիտության բարձրացմանը՝ 2026 թվականին նախատեսված խորհրդարանական և ՏԻՄ ընտրություններին ընդառաջ:

  1. Աշխատանքի նպատակ

Համախորհրդատուի գործունեության նպատակն է աջակցել ծրագրի թիմին և ծրագրի խորհրդատուին՝ «Ընտրական մոդել» սիմուլյացիոն խաղի շրջանակներում գործնական քաղաքացիական ներգրավվածության գործիքակազմի մշակման աշխատանքներում՝ հիմնվելով ծրագրի մեթոդաբանության և լավագույն փորձի վրա:

Մասնավորապես, համախորհրդատուն պարտավորվում է կիրառել ուսուցման արդյունավետ մեթոդաբանություններ՝ ստեղծելու կրթական բովանդակություն (ուսուցման ձեռնարկ), որը կնպաստի երիտասարդների շրջանում համապատասխան գիտելիքների, հմտությունների ու կարողությունների ձեռքբերմանը, ինչպես նաև ժողովրդավարական արժեքային համակարգի ձևավորմանը: Այս նպատակին հասնելու համար համախորհրդատուն իրականացնում է գործիքակազմի բովանդակային մշակման հետ կապված անհրաժեշտ բոլոր աշխատանքները:

 

 

Մանրամասները աշխատանքի տեխնիկական նկարագրում։

 

  1. Դիմելու կարգ

Հետաքրքրված անձինք կարող են ուղարկել իրենց ինքնակենսագրականը (CV) և լրացված գնային առաջարկը (Հավելված 1-Գնահարցում) փոստային ծառայության միջոցով կամ առձեռն հետևյալ հասցեով մինչև ս/թ մայիսի 18-ը ներառյալ՝

ՀՀ, Լոռու մարզ, ք. Վանաձոր, Խորենացի 6/1

«ՀԿ Կենտրոն» ՔՀԶ ՀԿ

 

 

Ծանոթագրություն. Ընտրությունը կկատարվի մրցութային հիմունքներով՝ կազմակերպության գնումների ընթացակարգին համապատասխան:


2. Հետազոտող-փորձագետ

Ծրագիր՝ Dialogue4Influence. Քաղաքացիական հասարակության մասնակցության և ազդեցության հզորացում հանրային քաղաքականության մեջ
Ծառայության մատուցման աշխատանքների մեկնարկ՝ մայիս, 2026
Վայրը՝ Հեռավար

Ծրագրի մասին

«ՀԿ Կենտրոն» քաղաքացիական հասարակության զարգացման ՀԿ-ն իրականացնում է «Dialogue4Influence. Քաղաքացիական հասարակության մասնակցության և ազդեցության հզորացում հանրային քաղաքականության մեջ» ծրագիրը, որի նպատակն է ուժեղացնել քաղաքացիական հասարակության հանրային ազդեցությունը Հայաստանում՝ պետական ֆինանսավորման հնարավորությունների ընդլայնման և դիվերսիֆիկացման, ինչպես նաև մասնակցային կառավարման մեխանիզմների զարգացման միջոցով։

Աշխատանքի նպատակ

Հետազոտող-փորձագետը պատասխանատու է պետական ֆինանսավորման մեխանիզմների վերաբերյալ քաղաքական և իրավական վերլուծության, ինչպես նաև հանրային ծառայության կամ պետական ֆինանսավորման մեխանիզմի մոնիթորինգի իրականացման համար։

Հիմնական պարտականություններ

• Պետական դրամաշնորհների գործող համակարգի, գնումների համակարգի (ARMEPS), համաֆինանսավորման գործիքների, բարեգործության և տոկոսային հատկացման հնարավոր մեխանիզմների ուսումնասիրություն
• Հանրային ծառայության կամ պետական ֆինանսավորման մեկ ընտրված գործիքի մոնիթորինգ (օրինակ՝ մասնակցային բյուջետավորում կամ նախարարություններին կից հասարակական խորհուրդների գործունեություն)

Ակնկալվող արդյունքներ

• Առնվազն 2 քաղաքականության առաջարկ և պարզեցված ուղեցույց պետական ֆինանսավորման մեխանիզմների վերաբերյալ
• Մոնիթորինգային վերլուծական զեկույց՝ համակարգային բացերի և բարելավման առաջարկներով

Պահանջվող որակավորումներ

• Պետական փաստաթղթերի վերլուծության, մոնիթորինգի և հետազոտությունների իրականացման առնվազն 3 տարվա աշխատանքային փորձ
• Ուղեցույցներ, զեկույցներ, ձեռնարկներ, քաղաքականության առաջարկներ մշակելու փորձ
• Հանրային հաղորդակցության և գրավոր ներկայացման հմտություններ

Մանրամասները՝ աշխատանքի տեխնիկական նկարագրում։

⬇ Ներբեռնել աշխատանքի տեխնիկական նկարագիրը (DOCX)
⬇ Ներբեռնել գնային առաջարկի ձևաչափը՝ Հավելված 1 (DOCX)

Դիմելու կարգ

Հետաքրքրված անձինք կարող են ուղարկել իրենց ինքնակենսագրականը (CV) և լրացված գնային առաջարկը (Հավելված 1) փոստային ծառայության միջոցով կամ առձեռն հետևյալ հասցեով մինչև ս/թ մայիսի 20-ը ներառյալ՝
ՀՀ, Լոռու մարզ, ք. Վանաձոր, Խորենացի 6/1, «ՀԿ Կենտրոն» ՔՀԶ ՀԿ

Ծանոթագրություն. Ընտրությունը կկատարվի մրցութային հիմունքներով՝ կազմակերպության գնումների ներքին կանոնակարգերին համապատասխան։