«Ինչպես բարելավել գյուղի կենսապահովման պայմանները կայուն եղանակով» թեմայով մրցույթ ՀՀ Լոռու մարզի Ահնիձոր, Լորուտ, Մարց, Դսեղ, Դեբետ, Եղեգնուտ և Մարգահովիտ բնակավայրերի համար
Մրցութային առաջարկները պետք է պարունակեն գաղափարներ այն մասին, թե․
- ինչպես ներդաշնակեցնել բնակավայրի կենսապահովման գործողությունները վտանգի տակ գտնվող բուսական և կենդանական տեսակների պաշտպանության հետ,
- ինչպես արդյունավետ լուծել մարդ-բնություն կոնֆլիկտները,
- ինչպես բնապահպանական նախաձեռնությունները զուգակցել բնակավայրի ու նրա բնակիչների զարգացման հետ, և, ընդհանուր առմամբ,
- ինչպես կապել համայնքի/բնակավայրի զարգացման տեսլականը՝ բնության կայուն օգտագործման և բնապահպանական տեսակետից անվտանգ գործունեության հետ,
Մրցույթին կարող են մասնակցել Լոռու մարզի Ահնիձոր, Մարց, Լորուտ, Դսեղ, Դեբետ, Եղեգնուտ, Մարգահովիտ բնակավայրերը։
Մրցութային հայտը պետք է պարունակի հետևյալ տեղեկությունները և հնարավորինս պատասխանի հետևյալ հարցերին։
- Համայնքի և բնակավայրի անունը,
- Բնակավայրի ներկայացում բնական ռեսուրսների և դրանց օգտագործման տեսանկյունից։
- Առաջարկվող գաղափարի ձևակերպում։
- Եթե առաջարկվող գաղափարը պարունակում է մի քանի ոլորտ, ապա նկարագրեք, թե դրանցից յուրաքանչյուրը․
- – Ինչպե՞ս կազդի համայնքում/բնակավայրում ընդհանուր բարեկեցության մակարդակի վրա։
- – Ինչպե՞ս կհիմնավորեք, որ այդ գաղափարը անվնաս է կամ օգտակար է շրջակա բնական միջավայրի համար։
- Ինչպե՞ս կփոխվի կյանքի որակը համայնքում/բնակավայրում այդ գաղափարի իրագործման դեպքում:
- Ի՞նչ է ձեզ անհրաժեշտ այդ գաղափարն իրականացնելու համար (ոչ միայն գումար):
- Նշեք այն գործողությունները, որոնք անհրաժեշտ է կատարել ձեր գաղափարը(ները) իրականացնելու համար։
- Ինչու՞ մինչև այսօր չեք իրականացրել այդ գաղափարը(ները):
- Դուք ունե՞ք ձեր սեփական ներդրումը այդ գաղափարի(ների) իրականացման համար և ունե՞ք արդյոք անհրաժեշտ փորձ:
- Ինչի՞ վրա կծախսեք մրցանակային գումարը, եթե ձեր համայնքը/բնակավայրը մրցանակ ստանա։
Մրցութային հայտը պետք է մշակվի բնակավայրի տեղական ինքնակառավարման մարմինների (վարչական ղեկավար և աշխատակազմ) և գյուղական աշխատանքային խմբի և բնակիչների հետ համատեղ և ներկայացվի ՏԻՄ-ի կողմից՝ ստորագրված և կնիքված վարչական ղեկավարի կողմից (հայտի հետ համատեղ ներկայացնել նաև քննարկման մասնակիցների ցանկը և նկարներ)։ Համայնքի բնակիչների առավել մեծ խմբի (խմբերի) մասնակցությամբ պատրաստված և ներկայացված հայտերը կստանան նախապատվություն: Գաղափարի ստեղծագործական ներկայացման դեպքում կտրամադրվեն լրացուցիչ միավորներ:
Մրցանակների չափը՝
1-ին տեղ՝ 2 մլն դրամ
2-րդ տեղ՝ 1,5 մլն դրամ
3-րդ տեղ՝ 850,000 դրամ
Նախատեսված է 1 (մեկ) հատ առաջին մրցանակ, 1 (մեկ) հատ երկրորդ մրցանակ և 5 (հինգ) հատ երրորդ մրցանակ (Ուշադրություն! Մրցույթի չափանիշներին և առաջնահերթություններին չհամապատասխանող հայտերը չեն ֆինանսավորվի)։
Յուրաքանչյուր բնակավայր կարող է ներկայացնել մեկ հայտ։
Հայտերի ներկայացման վերջնաժամկետն է 2023թ․-ի հուլիսի 19-ը ներառյալ։
Հայտերը պետք է ներկայացնել «ՀԿ Կենտրոն» քաղաքացիական հասարակության զարգացման ՀԿ գրասենյակ՝ ք․ Վանաձոր, Խորենացի 6/1 հասցեով։
Հարցերի դեպքում զանգահարել 091 743315 հեռախոսահամարով։