«ՀԿ Կենտրոն» քաղաքացիական հասարակության զարգացման ՀԿ-ն հրավիրում է Ձեզ՝ մասնակցելու կազմակերպության կարիքների համար իրականացվող «Շինարարության որակի տեխնիկական հսկողության» ծառայությունների ձեռքբերման գնահարցման մրցույթին։
Հիմնական պարտականություններ՝
- իրականացնել որակի տեխնիկական հսկողություն շին-մոնտաժային աշխատանքների կատարման բոլոր փուլերում
- պարզել իրականացվող աշխատանքների համապատասխանությունը որակի ստանդարտներին, շինարարական նորմերին և կանոններին
- պարբերաբար ստուգել բոլոր կատարված շին-մոնտաժային աշխատանքների որակն ու տեխնոլոգիական հերթականությունը, նրանց համապատասխանությունը նախագծին, կազմել համապատասխան ակտեր
Հիմնական պահանջներ՝
- նշված աշխատանքների իրականացման համապատասխան որակավորում
- պատասխանատվության բարձր զգացում
- սահմանված աշխատանքային ժամկետները պահպանելու կարողություն
Հետաքրքրված իրավաբանական անձինք կարող են մասնակցել գնահարցման մրցույթին՝ ուղարկելով ngoc.csd.ngo@gmail.com էլեկտրոնային փոստի հասցեով հետևյալ փաստաթղթերը՝
- Գնային առաջարկ՝ Bidding-Form-Տեխ. հսկող
- Քաղաքաշինության բնագավառում շինարարության որակի տեխնիկական հսկողության գործունեության լիցենզիան և ներդիրը
- Նախկինում իրականացված նմանատիպ աշխատանքների վերաբերյալ տեղեկատվություն և առնվազն երկու Պատվիրատու կառույցներից կոնտակտային տվյալներ։
Նամակի վերնագրի տողում նշել՝ Տեխ. հսկ. ծառ. – Կազմակերպության անվանումը
Հայտերն անհրաժեշտ է ներկայացնել մինչև հունիսի 30-ը, ժամը 17:00-ն։
Հարցերի դեպքում կարող եք կապ հաստատել ՀԿ Կենտրոնի դրամաշնորհների ղեկավար Սյուզան Հովսեփյանի հետ՝ 091743315 կամ 055709174 հեռախոսահամարներով։