Սեպտեմբերի 18-ին կայացավ Լոռու Քաղաքական քննարկումների ակումբի երրորդ հանդիպումը: Այս անգամ մեր ուշադրության կենտրոնում էր Վրաստանի դերը Հայաստանի, հատկապես Լոռու մարզի զարգացման հարցում:
Հանդիպումը վարեց Կովկասի ինստիտուտի տնօրեն Ալեքսանդր Իսկանդարյանը: Հանդիպման փորագետներն էին
փորձագետները
- Ջոնի Մելիքյան – Օրբելի կենտրոնի փորձագետ
- Սերգեյ Մինասյան – Կովկասի ինստիտուտի փոխտնօրեն, անվտանգության փորձագետ
Ջոնի Մելիքյանը խորությամբ անդրադարձավ Վրաստանի ներքաղաքական իրադարձություններին: Նա հատուկ ուշադրություն դարձրեց սպասվող ընտրություններին, որոնք կարող են էական ազդեցություն ունենալ ոչ միայն Վրաստանի, այլև ողջ տարածաշրջանի վրա:
Սերգեյ Մինասյանը ներկայացրեց Վրաստանի դերը տարածաշրջանում: Նա վերլուծեց Հայաստանի և Վրաստանի միջև առկա նմանություններն ու տարբերությունները, ինչը թույլ տվեց ավելի լավ հասկանալ երկու երկրների միջև հարաբերությունների դինամիկան:
Բանախոսություններից հետո ներկաները հնարավորություն ունեցան բարձրաձայնելու իրենց հուզող հարցերը: Քննարկվեցին Վրաստանի ներկա քաղաքականության ազդեցությունը Լոռու մարզի և ընդհանուր տարածաշրջանի վրա:
Լոռու Քաղաքական ակումբը գործում է «ՀԿ Կենտրոն» քաղաքացիական հասարակության զարգացմանհասարակական կազմակերպության հովանու ներքո: Քաղաքական ակումբի մեկնարկը իրագործվում էԿովկասի ինստիտուտի կողմից իրականացվող «Հայաստանի սահմանամերձ մարզերում քաղաքականակումբների ստեղծումը» ծրագրի 2-րդ փուլի շրջանակներում՝ Նիդերլանդների Թագավորությանկառավարության ֆինանսական աջակցությամբ: