Համայնքի կյանքը փոխելու համար պետք չէ սպասել ազգային ընտրություններին։ Ավագանու ընտրություններում որոշվում է, թե ով և ինչպես կկառավարի մեր բակը, դպրոցը, փողոցն ու բյուջեն։ Այս ձեռնարկը օգնում է հասկանալ տեղական ժողովրդավարության նշանակությունը և քաղաքացու դերը համայնքի կառավարման մեջ։
«Ընտրական մոդել» խաղի ընթացքում մասնակիցները գործնականում անցնում են համայնքի ավագանու ընտրությունների բոլոր փուլերը։ Նրանք ներկայացնում են կուսակցություններ, քարոզում իրենց ծրագրերը, լուսաբանում ընտրությունները որպես լրագրողներ և փաստեր ստուգողներ, կազմակերպում քվեարկությունը, դիտարկում գործընթացը և, իհարկե, ընտրում։ Համայնքի ելակետային անձնագրի հիման վրա մասնակիցները աշխատում են իրական կյանքին մոտ խնդիրների վրա և սովորում գտնել իրավական ու պատասխանատու լուծումներ։
Խաղը կառուցված է «ՄԱԿ-ի մոդել» և «Մոդել Հայաստան» խաղերի տրամաբանությամբ և հարմարեցված է ՀՀ ընտրական օրենսդրությանն ու տեղական համատեքստին։ Կրթական գործընթացը հիմնված է Դեյվիդ Քոլբի փորձառական ուսուցման մոդելի վրա. մասնակիցները նախ փորձառություն են ստանում, ապա այն վերլուծում և իմաստավորում։
Ձեռնարկում ներառված են.
- ընթերցանության նյութեր յուրաքանչյուր դերի համար,
- խաղավարի մանրամասն ուղեցույց,
- համայնքի սոցիալ-տնտեսական և ժողովրդագրական անձնագիրը,
- քվեաթերթիկների, արձանագրությունների և ընտրական այլ փաստաթղթերի ձևանմուշներ։
Հեղինակներ՝ Վահե Խաչիկյան, Արևիկ Նավոյան
Ձեռնարկը հասանելի է այստեղ։
Ձեռնարկը մշակվել է «ՀԿ Կենտրոն» քաղաքացիական հասարակության զարգացման ՀԿ-ի կողմից՝ Նոր Ժողովրդավարության հիմնադրամի (NDF) ֆինանսական աջակցությամբ։