Ուտելի Բույսերի Փառատոն | Արի՛ Լոռի, գնանք քոլի 

 ՀՀ էկոնոմիկայի նախարարության զբոսաշրջության կոմիտեի աջակցությամբ այս տարի Ուտելի բույսերի փառատոնը տեղի կունենա հուլիսի 22-ին, Լոռվա չնաշխարհիկ Դսեղ գյուղում։

 Արդեն չորրորդ անգամ Ուտելի բույսերի փառատոնը կազմակերպվում է ՀԿ Կենտրոնի կողմից։
 Այս տարի Ուտելի բույսերի փառատոնի կարգախոսն է՝ «Արի՛ Լոռի, գնանք քոլի»։ Դե, երևի կիմանաք, որ Լոռին հարուստ է բուսատեսակների բազմազանությամբ և դրա օգտագործմամբ խոհանոցում։ Տեղացիները պահպանել են հավաքչության ավանդույթը և ամեն գարուն-ամառ գնում են հավաքի և դրանցից պատրաստում յուրահատուկ ու համեղ կերակուրներ, և հենց այս ամենով էլ պայմանավորված լոռեցիներին անվանում են «քոլեցի»։

 Փառատոնի շրջանակներում՝
Ազգային և մշակույթային միջոցառում,
 Լոռեցիների ձեռքով հավաքած, մշակված և պատրաստված բուսական ուտեստների չորացված ու պահածոյացված բույսերի համտես և վաճառք,
 Վարպետաց դասեր,
 Ուտեսետի համտես-հյուրասիրություն,
 Քայլարշավներ՝ վայրի հավաքչության կանոնների ուսուցմամբ ու պատմությամբ,
 Ժողովրդական խաղերի ուսուցում,
 Ազգային երգ ու պարի ուսուցում։

 Դե ի՜նչ, սպասում ենք՝ քոլը մնաց հավաքելու

———
 Ուտելի բույսերի փառատոնն արդեն ունի 4 տարիների պատմություն, որի ընթացքում զբոսաշրջիկներին է ներկայացրել Լոռին իր յուրահատկություններով։ Այս տարի հրավիրում ենք միասին օգտվելու բնության ընձեռած բարիքներից, մեկ վայրում տեսնելու հավաքչությունից պատրաստի ուտեստ ցիկլը՝ պահպանելով Լոռվա մշակույթն ու սովորությունները։
 Փառատոնի նպատակն է․ Ոչ նյութական ժառանգության պահպանումը՝ հանրայնացնելով հայկական ավանդական հարուստ ու բազմազան խոհանոցը փառատոնի միջոցով և դրանով նպաստել Լոռու մարզում, մասնավորապես Թումանյան խոշորացված համայնքում զբոսաշրջության զարգացմանը։