Սեպտեմբերի 20-ին Վանաձորում ՀԿ Կենտրոնը կազմակերպեց կրթական քվեստ-խաղ՝ DeSIRe նախագծի Ազգային իրազեկման օրվա (NAD) շրջանակում։
Միջոցառման նպատակն էր բարձրացնել երիտասարդների իրազեկվածությունը 21-րդ դարի աշխատաշուկայի պահանջներին համահունչ փափուկ և կյանքի հմտությունների զարգացման վերաբերյալ։
Միջոցառմանը մասնակցեցին տարբեր շահագրգիռ խմբերի ներկայացուցիչներ, այդ թվում՝ երիտասարդներ, կրթական հաստատությունների ներկայացուցիչներ և քաղաքացիական հասարակության ակտիվիստներ։ Քվեստ-խաղը մշակվել էր այնպես, որ մասնակիցները ոչ միայն հետաքրքիր և ինտերակտիվ ձևաչափով ստանան նոր գիտելիքներ, այլև զարգացնեն համագործակցության, հաղորդակցության և խնդիրների լուծման հմտությունները։
Բացի խաղային հատվածից, իրազեկման օրվա շրջանակներում միջոցառման մեջ ներառված էր նաև DeSIRe նախագծի ներկայացում, որի ընթացքում մասնակիցները ծանոթացան ծրագրի նպատակներին, հիմնական արդյունքներին և առաջիկա քայլերին։ Ներկայացվեցին նաև ՀԿ Կենտրոնի կողմից իրականացված տեղական վերապատրաստումների արդյունքները և ապագա հնարավորությունները։ Միջոցառումն ավարտվեց հարցուպատասխանով, որտեղ մասնակիցները հնարավորություն ունեցան ստանալու իրենց հետաքրքրող հարցերի պատասխանները։
Այս նախաձեռնությունը կարևոր քայլ էր ոչ միայն երիտասարդների իրազեկվածության բարձրացման, այլև քաղաքացիական հասարակության զարգացման և համագործակցության նոր հնարավորությունների ստեղծման ուղղությամբ։