ՀԿ Կենտրոնն իր «Կանայք հանուն լավ կառավարման» ծրագրի շրջանակներում Լոռու մարզի Դսեղ, Ձորագյուղ և Մեծ Պարնի գյուղերի ՏԻՄ-երի հետ կնքեց փոխգործակցության հուշագրեր՝ նկատի ունենալով նշված համայնքներում տեղական ինքնակառավարման մարմինների թափանցիկ և ներառական աշխատանքի կարևորությունը։
Կողմերն արտահայտեցին միմյանց հետ համագործակցելու պատրաստակամությունը և ձգտումները, համայնքի բնակիչների ներգրավվածության բարձրացման, կանանց ու տղամարդկանց համար հավասար հնարավորություններ ստեղծելու և համայնքում իրականացվող միջողառումները երկու սեռերի ներկայացուցիչների կարիքներին համապատասխանեցնելու նպատակով։
ՓՈԽԳՈՐԾԱԿՑՈՒԹՅԱՆ ՈՒՂՂՈՒԹՅՈՒՆՆԵՐՆ ԵՆ
- Հանրային իրազեկվածության բարձրացում:
- Կարիքների բացահայտում (հետազոտության իրականացում):
- Տարեկան աշխատանքային պլանի վերանայում՝ հաշվի առնելով համայնքում բնակվող կանանց և տղամարդկանց կարիքները:
- Այլ՝ սույն հուշագրի նպատակներից բխող միջոցառումներ։
«Կանայք հանուն լավ կառավարման» ծրագիրն իրականացվում է ՀԿ Կենտրոնի կողմից: Ծրագիրը ֆինանսավորվում է The BEARR Trust փոքր դրամաշնորհների շրջանակներում: