«Աջակցություն դրամաշնորհների կառավարման գործընթացին կանանց հզորացման համար-2» ծրագիր

 

 

Ծրագրի նպատակն է՝

Կազմակերպել և իրականացնել դրամաշնորհային վարչարարություն GIZ-ի և ՄԱԶԾ-ի շահառուների համար՝ նպաստելով կանանց հզորացմանը, քաղաքացիների մասնակցությանը, տվյալների վրա հիմնված պլանավորմանը, թափանցիկությանը և հաշվետվողականությանը Հայաստանի տարբեր մարզերի տեղական ինքնակառավարման մարմիններում, ինչպես նաև նպաստել փորձի փոխանակմանը, կարողությունների զարգացմանն ու շահառու կանանց տեսանելիության բարձրացմանը:

 

Ծրագրի արդյունքներն են՝

1. Կազմակերպվում է առնվազն 2 կողմնորոշիչ հանդիպում շահառուների հետ։

2. Տրամադրվում է փորձագիտական ​​աջակցություն՝ մինչև 30 դրամաշնորհային ծրագրեր մշակելու համար։

3. Մինչև 30 ծրագրեր ֆինանսավորվում և իրականացվում են իրենց համայնքներում՝ ՏԻՄ-երում ներգրավված կանանց կողմից:

4. Հաջողությամբ իրականացվում և վերահսկվում են մինչև 30 ծրագրեր:

5. Ներկայացվում է մինչև 30 ծրագրի հաշվետվություն։

6. Մինչև 30 ծրագրերի տեսանելիությունն ապահովվում է առցանց և օֆլայն մեթոդներով (համայնքների կայքեր, ՄԱԶԾ և Համայնքի fb էջեր, տարբեր հանդիպումների մասնակցություն և այլն)։

7. Մինչև 15 ռադիոհաղորդումների հեռարձակում Հայաստանի հանրային ռադիոյով։

8. Կազմակերպվում է առնվազն 6 աշխատանքային լանչ/փորձի փոխանակման միջոցառում։

9. Կազմակերպվում է 1 ուսումնական ճամփորդություն Հարավ-Հյուսիս։

10. Կազմակերպվում է 1 եզրափակիչ միջոցառում՝ ներկայացնելու ձեռքբերումները, խթանելու փորձի փոխանակումը, ներկայացնելու մարտահրավերները և քաղած դասերը:

 

 

«Աջակցություն դրամաշնորհների կառավարման գործընթացին կանանց հզորացման համար» ծրագիրն իրականացվում է ՀԿ Կենտրոնի կողմից՝ Գերմանիայի միջազգային համագործակցության ընկերության (ԳՄՀԸ) կողմից իրականացվող «Լավ կառավարում հանուն տեղական զարգացման Հարավային Կովկասում» ծրագրի և ՄԱԿ-ի Զարգացման ծրագրի (ՄԱԶԾ) աջակցությամբ՝ Շվեյցարիայի և Գերմանիայի կառավարությունների կողմից համաֆինանսավորվող «Տեղական ինքնակառավարման համակարգի բարելավումը Հայաստանում» ծրագրի երկրորդ փուլի շրջանակներում:

 

Վերջին նորություններ