Ֆիլմերը որպես հասարակական խնդիրների վերհանման միջոց

22.05.2017

2012 թ-ի մարտից 2014 թ-ի փետրվարն ընկած ժամանակահատվածում Հայաստանում, Վրաստանում և Ադրբեջանում իրականացվում է CAUCADOC (Կովկաս Դոկումենտալ) ծրագիրը` չեխական “Մարդը Կարիքի Մեջ” (People in Need /PIN) ՀԿ-ի և Հարավային Կովկասի` “Սակդոկ ֆիլմ”  ու  Մամուլի աջակցության “Ինտերնյուս”  ՀԿ գործընկեր կազմակերպությունների կողմից: CAUCADOC-ը աջակցում է վավերագրական ֆիլմարտադրությանը և վավերագրական ֆիլմերի օգտագործմանը որպես կրթական գործիք, հանրային տեղեկացվածության բարձրացման միջոց:

 

“Մարդը Կարիքի Մեջ” ՀԿ-ն մարդասիրական կազմակերպություն է, որն ստեղծվել է աշխարհում ճգնաժամային իրավիճակներում հայտնված մարդկանց օգնելու և մարդու իրավունքների պաշտպանությանն աջակցելու համար: Կազմակերպությունը Կովկասում աշխատում է 2003 թ-ից:

 

Հայաստանում  “Մարդը Կարիքի Մեջ” ՀԿ-ն աշխատում է հետևյալ ուղղություններով`

1. Անօրինական միգրացիայի կանխարգելում և վերադարձողների վերաինտեգրում:

2. Թրաֆիքինգի կանխարգելում:

3. Աջակցություն կրթությանը և քաղաքացիական հասարակության զարգացմանը:

 

“ՀԿ Կենտրոն” ՔՀԶ ՀԿ-ն CAUCADOC ծրագրի շրջանակներում ներկայացրել է “Ֆիլմերը որպես հասարակական խնդիրների վերհանման միջոց” նախագիծը և ընտրվել է որպես վավերագրական ֆիլմերի փառատոնի կազմակերպիչ Լոռու մարզում:

 

“Ֆիլմերը որպես հասարակական խնդիրների վերհանման միջոց” ծրագրի նպատակն է`  

աջակցել Լոռու մարզում և, մասնավորապես, Վանաձորում վավերագրական ֆիլմի` որպես միջմշակութային երկխոսության միջոցի զարգացմանը, նպաստել հետաքրքրության աճին, վավերագրական ֆիլմերի դիտման մշակույթի ձևավորմանն ու զարգացմանը, վերջիններիս միջոցով վեր հանել և քննարկել մարդու իրավունքների հետ կապված հարցեր:

 

Ծրագրի շրջանակներում նախատեսված է կազմակերպել վավերագրական ֆիլմերի եռօրյա փառատոն, որի ընթացքում ցուցադրվելու են 6 ֆիլմեր հետևյալ թեմաներով` երիտասարդական հիմնախնդիրներ, ակտիվիզմ, կոնֆլիկտներ և հանգուցալուծում, գենդերային հարցեր, բնապահպանություն և այլն:

 

Ֆիլմերի ցուցադրությանը հաջորդելու է քննարկում` փորձագետների մասնակցությամբ:

 Կից ներկայացնում ենք կինոփառատոնի ընթացքի վերաբերյալ ամփոփիչ նյութը:

Regional festival of documentary films

Regional festival of documentary films-2013

Վերջին նորություններ