ՀԿ Կենտրոնը մեկնարկում է մասնակիցների հավաքագրում «Ընտրական մոդել Հայաստան» կրթական սիմուլյացիոն խաղին, որն անցկացվելու է հինգ մարզերում (Շիրակ, Լոռի, Տավուշ, Գեղարքունիք, Սյունիք)՝ 2026 թ. Հայաստանի համայնքներում կայանալիք ՏԻՄ ընտրություններին ընդառաջ:
Ծրագրի նպատակն է բարձրացնել մարզային երիտասարդության ընտրական և քաղաքացիական գրագիտությունը, ամրապնդել քննադատական մտածողությունը՝ սիմուլյացիոն խաղի միջոցով:
Խաղի ընթացքում մասնակիցներն անձամբ ստանձնում են ընտրական գործընթացի հիմնական դերակատարների (կուսակցություններ, ընտրական հանձնաժողով, դիտորդներ, մեդիա, ընտրողներ) դերերը և բախվում իրական կյանքին մոտեցված մարտահրավերների:
Ընդհանուր տեղեկություններ
| Ձևաչափ | Երկօրյա ինտենսիվ սիմուլյացիա յուրաքանչյուր մարզում |
| Վայր, ամսաթիվ և
գրանցման հղում
|
|
Ո՞վ կարող է դիմել
Խաղին կարող են մասնակցել վերոնշյալ մարզերում բնակվող 18-24 տարեկան երիտասարդները:
Ի՞նչ կստանաք մասնակցելով
- Հանրային խոսքի, բանակցությունների և թիմային աշխատանքի փորձառություն
- Գործնական հմտություններ ընտրական գործընթացների, օրենսդրության և մեդիագրագիտության ոլորտում
- Հնարավորություն՝ ընտրվելու ազգային մինի-սամիթի պատվիրակ
- Մասնակցության վկայական
Ինչպե՞ս դիմել
Դիմելու համար անհրաժեշտ է լրացնել Ձեր մարզի հայտադիմումը։
Տեղերի քանակը սահմանափակ է:
Հարցերի դեպքում գրե՛ք info@ngoc.am էլ. փոստի հասցեին։
Ծրագիրն իրականացվում է «ՀԿ Կենտրոն» քաղաքացիական հասարակության զարգացման ՀԿ-ի կողմից՝ Նոր Ժողովրդավարության հիմնադրամի (New Democracy Fund (NDF)) ֆինանսական աջակցությամբ։ Հրապարակման բովանդակության համար պատասխանատվությունը կրում է բացառապես ՀԿ Կենտրոնը, և այն պարտադիր չէ, որ արտահայտի NDF-ի կամ նրա գործընկեր կառույցների տեսակետները։