Ժողովրդավարության կայացման ճանապարհին…

22.05.2017

համաժողով, 17 սեպտեմբերի, 2009թ.
ք.Վանաձոր

Նպատակն էր `

Նպաստել քաղաքացիական հասարակության դերակատարների ևայլ շահագրգիռ կառույցների
միջև գործընկերության զարգացմանն ու փորձի փոխանակմանը`

 

Սույն թվականի սեպտեմբերի 17-ին §ՀԿ Կենտրոն¦ Քաղաքացիական Հասարակության Զարգացման ՀԿ-ն իրականացրեց §Ժողովրդավարության կայացման ճանապարհին…¦ խորագրով համաժողով, որի գլխավոր նպատակն էր նպաստել քաղաքացիական հասարակության դերակատարների և այլ շահագրգիռ կառույցների միջև գործընկերության զարգացմանն ու փորձի փոխանակմանը` ի նպաստ ժողովրդավարության զարգացմանը Հայաստանում: Համաժողովը տեղի ունեցավ ք. Վանաձորի Շառլ Ազնավուրի անվան մշակույթի պալատում:

Համաժողովին հրավիրվել էին 113 մարդ, որոնց մեջ մտնում էին Լոռու, Շիրակի և Տավուշի մարզերի ՀԿ-ների և ԶԼՄ-ների ներկայացուցիչները, ինչպես նաև միջազգային կազմակերպությունների անդամները, Լոռու մարզպետարանի և ՏԻՄ ներկայացուցիչները: Հրավիրված 113 մարդուց համաժողովին ներկա էին 88-ը:

Համաժողովի բացման խոսքով ելույթ ունեցան Հկ կենտրոնի համակարգող Արփինե Հակոբյանը` համաժողովի մասնակիցներին հղելով ՀԿ կենտրոնի խորհրդի անդամների ուղերձը, Նա նշեց, որ իր կոչմանը հավատարիմ, §ՀԿ կենտրոնը¦ շարունակում է քաջալերել քաղաքացիական մասնակցությունը Հայաստանում` արդի հասարակության հիմնախնդիրների լուծման նպատակով:

Այնուհետև իր ողջույնի խոսքն ասաց ԱՄՆ-ի փոխդեսպան ` Ջոզեֆ Փենինգտոնը` նշելով, որ ժողովրդավարությունն անվերջ գործընթաց է և աշխատանքներն այս ուղղությամբ դեռ պետք է շարունակվեն:

Համաժողովի մասնակիցներին ողջունեց նաև Լոռու մարզի փոխմարզպետ` Աղվան Վարդերեսյանը` կարևորելով երիտասարդների ներգրավումը քաղաքացիական հասարակության կառույցներ, քանզի նրանք պիտի լինեն շարունակողները:

Համաժողովի բացման խոսք ասաց նաև Քաունթերփարթ Ինթերնեշնլի հայաստանյան ներկայացուցչության ղեկավար` Ալեքս Սարդարը: Նա համառոտ ներկայացրեց համագործակցությունը ՀԿ կենտրոնի հետ և այս չորս տարվա գործունեությունը:

Վերջին նորություններ