«ՏԻՄ վերապատրաստման» կենտրոն

ՀԿ կենտրոն 2012 թվականից գործարկում է «ՏԻՄ վերապատրաստման» կենտրոնը: Այն իրենից ներկայացնում է տեխնիկապես հագեցած դասընթացների սենյակ:
Ծրագրի իրականացման ընթացքում կենտրոնը հյուրնկալել է  ավելի քան 11 թիրախ համայնքների ղեկավարների, աշխատակազմի և ավագանու անդամների, ընդհանուր առմամբ 200 հոգի:
Վերջիններս մասնակցել են նաև 13 թեմանով դասընթացների:
 
Կենտրոնն ունի ոչ միայն դասընթացների համար հարմարավետ տարածք, այլև վերապատրաստում անցած ավելին քան 20 դասավանդողներ Տավուշի, Լոռու և Շիրակի մազերից, փորձագետների խումբ և 7 օրյա 11 թեմաներով դասընթացների մոդուլներ: Դասընթացի մոդուլները մշակվել են «Ուրբան ինստիտուտի» կողմից:

Դրանք են՝
 
– ՏԻՄ օրենսդրություն
– Առաջնորդություն
– Ռազմավարական պլանավորում
– Համայնքային բյուջե
– Գույքի կառավարում
– Գնումների գործընթացի կազմակերպում
– Համագործակցություն և գործընկերություն
– Հանրային հարաբերություններ և աշխատանք ԶԼՄ-ների հետ
– Մասնակցային կառավարում

–Հանրային ծառայությունների մատուցում և իրագործում //կատարողականի կառավարում
– Համակարգչային գիտելիքներ
 
Վերոնշյալ բոլոր մոդուլները ՀԿ կենտրոնի դասավանդողների կողմից փորձարկվել են համայնքներում և արժանացել հավանության: ՏԻՄ Վերապատրաստման կենտրոնը դասընթացներ է մատուցել Լոռու մարզի Վանաձոր, Ալավերդի, Ախթալա, Դեբետ, Դսեղ, Ծաթեր, Տավուշի մարզի Իջևան, Դիլիջան, Այգեհովիտ, Գանձաքար, Կոթի, Շիրակի մարզի Մարալիկ, Ախուրյան, Հայկաձոր համայնքներին: Ներկայումս «ՏԻՄ վերապատրաստման կենտրոնը» նախատեսում է դասընթացների շարք Լոռու, Տավուշի, Շիրակի բոլոր համայնքների ՏԻՄ ներկայացուցիչների համար:
 

Ծրագիրը հնարավոր է դարձել իրականացնել Քաունթերփարթ Ինթերնեշնլի հայաստանյան ներկայացուցչության ֆինանսավորմամբ: